آئی سی سی مینز چیمپئنز ٹرافی 2025 کے شیڈول کا اعلان کر دیا گیا ہے
Icc champions trophy 2025 schedule
آئی سی سی میڈیا ریلیز کے مطابق 15 میچوں اور آٹھ ٹیموں پر مشتمل یہ ایونٹ 19 دنوں تک کھیلا جائے گا۔ جبکہ دبئی انٹرنیشنل کرکٹ اسٹیڈیم کو نیوٹرل وینیو قرار دے دیا گیا ہے۔
انٹرنیشنل کرکٹ کونسل (آئی سی سی) نے آئی سی سی مینز چیمپئنز ٹرافی 2025 کے فکسچرز کا اعلان کر دیا ہے ، جو 19 فروری سے 9 مارچ تک پاکستان اور یو اے ای میں ہو گی۔
آئی سی سی مینز چیمپئنز ٹرافی 2025 کا شیڈول
| سیریل نمبر | تاریخ | ٹیم کے نام | مقام |
|---|---|---|---|
| 1 | 19 فروری | پاکستان بمقابلہ نیوزی لینڈ | نیشنل اسٹیڈیم، کراچی |
| 2 | 20 فروری | بنگلہ دیش بمقابلہ بھارت | دبئی انٹرنیشنل کرکٹ اسٹیڈیم، دبئی |
| 3 | 21 فروری | افغانستان بمقابلہ جنوبی افریقہ | نیشنل اسٹیڈیم، کراچی |
| 4 | 22 فروری | آسٹریلیا بمقابلہ انگلینڈ | قذافی اسٹیڈیم، لاہور |
| 5 | 23 فروری | پاکستان بمقابلہ بھارت | دبئی انٹرنیشنل کرکٹ اسٹیڈیم، دبئی |
| 6 | 24 فروری | بنگلہ دیش بمقابلہ نیوزی لینڈ | راولپنڈی کرکٹ اسٹیڈیم، راولپنڈی |
| 7 | 25 فروری | آسٹریلیا بمقابلہ جنوبی افریقہ | راولپنڈی کرکٹ اسٹیڈیم، راولپنڈی |
| 8 | 26 فروری | افغانستان بمقابلہ انگلینڈ | قذافی اسٹیڈیم، لاہور |
| 9 | 27 فروری | پاکستان بمقابلہ بنگلہ دیش | راولپنڈی کرکٹ اسٹیڈیم، راولپنڈی |
| 10 | 28 فروری | افغانستان بمقابلہ آسٹریلیا | قذافی اسٹیڈیم، لاہور |
| 11 | 1 مارچ | جنوبی افریقہ بمقابلہ انگلینڈ | نیشنل اسٹیڈیم، کراچی |
| 12 | 2 مارچ | نیوزی لینڈ بمقابلہ انڈیا | دبئی انٹرنیشنل کرکٹ اسٹیڈیم، دبئی |
| 13 | 4 مارچ | سیمی فائنل 1 | دبئی انٹرنیشنل کرکٹ اسٹیڈیم، دبئی |
| 14 | 5 مارچ | سیمی فائنل 2 | قذافی اسٹیڈیم، لاہور |
| 15 | 9 مارچ | فائنل | قذافی اسٹیڈیم، لاہور |
تمام میچ پاکستانی وقت کے مطابق دن 2 بجے شروع ہوں گے۔ اگر بھارت کوالیفائی کرتا ہے تو وہ سیمی فائنل 1 میں شامل ہوگا اور اگر پاکستان کوالیفائی کرتا ہے تو وہ سیمی فائنل 2 میں شامل ہوگا ۔ اگر بھارت فائنل کے لیے کوالیفائی کرتا ہے تو اس صورت میں فائنل دبئی انٹرنیشنل کرکٹ اسٹیڈیم، دبئی میں کھیلا جائے گا۔
 |
| Icc champions trophy 2025 schedule |
2017 میں آخری ایڈیشن کے انعقاد کے بعد 15 میچوں پر مشتمل، آٹھ ٹیموں کا ایونٹ پہلی بار کرکٹ کیلنڈر میں واپس آیا، دفاعی چیمپئن پاکستان نے 1996 کے بعد اپنے پہلے عالمی کرکٹ ٹورنامنٹ کی میزبانی متحدہ عرب امارات کے ساتھ مل کر کی ہے جسے نیوٹرل وینیو قرار دیا گیا ہے۔
اس 19 روزہ ایونٹ کے دوران سنسنی خیز مقابلے ہوں گے۔ ٹیموں کو دو گروپس میں تقسیم کیا گیا ہے۔ گروپ اے میں بنگلہ دیش، بھارت، نیوزی لینڈ اور پاکستان ہیں جبکہ گروپ بی میں افغانستان، آسٹریلیا، انگلینڈ اور جنوبی افریقہ شامل ہیں۔
لاہور، کراچی اور راولپنڈی کے اسٹیڈیم پاکستان میں میچز کی میزبانی کریں گے جب کہ دبئی انٹرنیشنل سٹیڈیم یو اے ای میں میچز کی میزبانی کرے گا۔
چیمپئنز ٹرافی کا آغاز 19 فروری کو پاکستان اور نیوزی لینڈ کے میچ سے ہو گا جو کہ کراچی میں کھیلا جائے گا۔ دیگر اہم میچوں میں دبئی میں ہونے والے مقابلے کے دوسرے دن بنگلہ دیش کا بھارت سے مقابلہ اور 21 فروری کو کراچی میں افغانستان کا مقابلہ جنوبی افریقہ سے ہوگا۔
22 فروری کو دنیائے کرکٹ کے روایتی حریفوں یعنی آسٹریلیا اور انگلینڈ کے درمیان مقابلہ لاہور میں ہو گا جبکہ 23 فروری کو پاکستان اور بھارت کی ٹیمیں دبئی انٹرنیشنل کرکٹ اسٹیڈیم میں مد مقابل آئیں گی۔
پہلا سیمی فائنل 4 مارچ کو دبئی میں اور دوسرا سیمی فائنل 5 مارچ کو لاہور میں ہو گا۔ لاہور 9 مارچ کو فائنل کی میزبانی کرے گا، تاہم اگر بھارت فائنل کے لیے کوالیفائی کرتا ہے تو فائنل پھر دبئی میں کھیلا جائے گا۔ سیمی فائنل اور فائنل دونوں میں ریزرو دن ہوں گے۔
آئی سی سی کے چیئر، جے شاہ نے کہا: "آئی سی سی کو مردوں کی چیمپئنز ٹرافی 2025 کا شیڈول جاری کرتے ہوئے خوشی ہو رہی ہے، جو کہ 2017 کے بعد پہلی مرتبہ منعقد کیا جا دہا ہے۔ یہ ٹورنامنٹ شائقین کو 15 میچوں کی ناقابل فراموش تفریح فراہم کرے گا"۔
پاکستان کرکٹ بورڈ کے چیئرمین، محسن نقوی نے کہا: "ہمیں خوشی ہے کہ برابری اور احترام کے اصولوں پر مبنی ایک معاہدہ طے پا گیا ہے، جو تعاون اور اشتراک کے جذبے کو ظاہر کرتا ہے۔ انہوں نے آئی سی سی ممبران کا شکریہ ادا کیا جنہوں نے اس معاہدے کو طے پانے میں مدد کی۔ چیمپیئنز ٹرافی کی میزبانی پاکستان کے لیے ایک اہم سنگ میل ہے، جو کرکٹ کو اعلیٰ سطح پر فروغ دینے اور ایک پریمیئر ایونٹ آرگنائزر کے طور پر اپنی صلاحیتوں کو ظاہر کرنے کے لیے ہمارے عزم کو اجاگر کرتا ہے۔ ہم اس بات کو یقینی بنانے کے لیے کوشاں ہیں کہ یہ ٹورنامنٹ کھلاڑیوں، آفیشلز اور شائقین کے لیے ایک یادگار تجربہ ہو گا۔
آئی سی سی مینز چیمپئنز ٹرافی کے بارے میں
آسٹریلیا اور بھارت 1998 میں آئی سی سی چیمپیئنز ٹرافی کے آغاز سے لے کر اب تک کی دو کامیاب ترین ٹیمیں ہیں جب اسے آئی سی سی ناک آؤٹ ٹرافی کے نام سے جانا جاتا تھا۔ دونوں ٹیمیں دو بار ایونٹ جیت چکی ہیں، آسٹریلیا ہی واحد ٹیم ہے جس نے بیک ٹو بیک ٹائٹل جیتے ہیں - بھارت 2006 میں ممبئی اور 2009 میں سنچورین، جنوبی افریقہ میں یہ ٹائٹل اپنے نام کر چکا ہے۔
ماضی کے دیگر فاتحین میں جنوبی افریقہ (ڈھاکا، بنگلہ دیش، 1998)، نیوزی لینڈ (نیروبی، کینیا، 2000)، ویسٹ انڈیز (دی اوول، لندن، 2004) اور پاکستان (دی اوول، لندن، 2017) شامل ہیں۔