گوگل والیٹ کیا ہے اور کیسے کام کرتا ہے
 |
| Google wallet in Pakistan |
گوگل والیٹ ایک ایسا نظام ہے جو ہمیں کریڈٹ کارڈز، ڈیبٹ کارڈز، اور دیگر پیمنٹ کے ذرائع کو اپنے اندر محفوظ طریقے سے آنلائن اسٹور کرنے کی سہولت دیتا ہے۔ یہ ڈیٹا گوگل والیٹ میں محفوظ ہوجاتا ہے پھر ہم اس والیٹ کو کسی بھی لین دین یا آن لائن شاپنگ کے لیے اپنے بینک کارڈز کی تفصیلات بتائے بغیر ادائیگی کرسکتے ہیں۔ یعنی گوگل صرف درمیانی پلیٹ فارم بن جائے گا۔ وہ صارف اور بیچنے والے کے درمیان ادائیگی کو یقینی بنائے گا اور دونوں اطراف کو محفوظ سروس مہیا کرے گا۔
مثلاً جس طرح پاکستان میں ایزی پیسہ یا جاز کیش سے پیسے بھیجنے یا وصول کرنے کے لیے صارفین کو اپنی معلومات جیسے نمبر یا شناختی کارڈ وغیرہ دینا ہوتا ہے لیکن گوگل والیٹ کے زریعے پیسے دینے یا لینے کے لیے کسی قسم کی معلومات دینے کی ضرورت نہیں ہوگی۔ آپ صرف دیے گئے QR کوڈ کو سکین کرنا ہو گا اور ادائیگی ہو جائے گی۔ آپ کی ذاتی معلومات صرف گوگل والیٹ ایپ میں محفوظ ہوں گی باقی سب کو پیسے مل گئے یا پیسے کٹ جانے کی نوٹیفیکیشن ملیں گی۔
 |
| Google wallet in Pakistan |
گوگل والیٹ کے زریعے ہم NFC (نیئر فیلڈ کمیونیکیشن) ٹیکنالوجی کا استعمال کرتے ہوئے بھی اپنے فون سے محض مشین پر ٹچ کر کے ادائیگی کر سکیں گے۔
گوگل والیٹ کے آنے کے بعد پاکستان میں کئی اسٹورز اور ریٹیلرز آپکو کیو آر کوڈ QR CODE کے ذریعے پیمنٹ قبول کرتے ہوئے نظر آئیں گے۔ یعنی کیش لیس لین دین عام ہوجائے گا۔
گوگل والیٹ کا سب سے بڑا فائدہ یہ ہوتا ہے کہ آپ اپنے بینک اکاونٹ کی تفصیلات بتائے بغیر کسی کو بھی ادائیگی کرسکتے ہیں۔ آپکے کارڈ کی ڈیٹیل صرف گوگل والیٹ میں محفوظ ہوگی باقی سب کو گوگل والیٹ کے زریعے ادائگیاں ہوں گے۔
اس سے پہلے ریٹیل سٹورز گاہکوں سے کریڈ یا ڈیبٹ کارڈ لیکر سوائپ کرتے تھے تاکہ پیمنٹ کی جائے اب یہ طریقہ تبدیل ہو جائے گا اس کی جگہ صرف گوگل والیٹ سے پیسے بھیجے جاسکیں گے۔ یعنی کیش کا لین دین اب مکمل کیش لیس ہوجائے گا۔
آپ یہ تبدیلی پاکستان میں سال 2025 سے شروع ہونا دیکھیں گے۔
یاد رہے گوگل والیٹ آپ کے فون سے منسلک ہوتا ہے ہعنی فون میں اسی طرح رجسٹرڈ ہوتا ہےجیسے ایزی پیسہ یا جاز کیش فون وغیرہ کی ایپلیکیشنز ۔ لہذہ اگر آپکا فون گم یا چوری ہو جائے تو گوگل جی میل اکاؤنٹ کے ذریعے آپ اسے لاک یا ڈیلیٹ کرسکتے ہیں۔
اسکے علاوہ گوگل والیٹ کے زریعے آپ بسوں یا ہوائی جہاز کی ٹکٹیں بھی خرید کر محفوظ کرسکیں گے۔ یعنی ایئرلائنز بھی اب ٹکٹوں کی خرید و فروخت گوگل والیٹ سے کرنے کی سہولت دیں گی اور جہاز میں داخل ہوتے وقت ٹکٹ بھی انہیں موبائل پر گوگل والیٹ کے زریعے دکھائے جاسکیں گے۔
اگر گوگل والیٹ جسے گوگل پے بھی کہا جاتا ہے پاکستان میں متعارف ہو جاتا ہے تو جلد پاکستان کی تمام میٹرو بسیں اور ٹرینیں بھی اس سسٹم کے زریعے ٹکٹ کا اجراء شروع کردیں گی۔ بہت سے شاپنگ مالز، ریٹیلیرز سب اس سسٹم میں شامل ہوں گے لہذہ آپ بھی ابھی سے اس نئی تبدیلی سے آگاہ رہیں اور خود کو پیشگی تیار کرلیں
 |
| Sample QR code |
گوگل والیٹ کا سب سے بڑا فائدہ یہ ہوگا کہ اب انٹرنیشنل شاپنگ کے لیے ہمیں بینک کارڈز کی ضرورت نہیں رہے گی۔ اسکی جگہ ہم گوگل والیٹ سے پیمنٹ بھیج یا موصول کرسکیں گے۔ فری لانسرز بھی اسکے زریعے پیسے وصول کرسکیں گے۔ آپ کوئی آن لائن کاروبار کر رہے ہیں تو گوگل والیٹ آپ کے گاہکوں کو ادائیگی کے لیے مزید آسان طریقہ فراہم کردے گا۔ یاد رہے ایزی پیسہ یا جاز کیش کی سروس صرف پاکستان میں کام کرتی ہے انکو انٹرنیشنل سطح پر استعمال نہیں کیا جاسکتا۔
اسکے علاوہ گوگل والیٹ سے آپ گوگل پلے اسٹور، یوٹیوب پریمیم، اور دیگر سبسکرپشنز کیلیے بھی ادائگی کرسکتے ہیں۔ ہر طرح کی آنلائن ادائگی اس سے ممکن ہوگی۔
 |
| Google wallet in Pakistan |
گوگل والیٹ استعمال کرنے کا طریقہ بہت آسان ہے۔ ایزی پیسہ جاز کیش کی طرح ہی اس کی ایپلیکیشن پلے سٹور سے انسٹال کریں۔ پھر اپنے بینک کارڈز اور ضروری معلومات اس ایپ میں محفوظ کرلیں۔ اگر NFC سروس استعمال کرنا چاہتے ہیں تو اسکو بھی ایکٹو کردیں۔ بس ہوگئی سیٹنگ۔ جیسے ہی سروس پاکستان میں شروع ہوگی اپ اسے استعمال کرسکیں گے، فلحال یہ سروس دنیا کئی بیشتر ۔مالک میں استعمال ہورہی ہے۔
احتیاطی تدابیر برائے صارفین
ہمیشہ اپنے گوگل اکاؤنٹ کو دوہری تصدیق (2FA) کے ساتھ محفوظ کریں۔ کسی بھی نامعلوم بلکہ معلوم شخص کی بھیجی ہوئی مشکوک لنک پر بھی ہرگز کلک نہ کریں ورنہ ایسی لنکس کے زریعے آپ کی معلومات چرائی جاتی ہیں اور آپکا بینک اکاونٹ اور سوشل میڈیا اکاونٹ ہیک کیا جاتا ہے لہذہ ہوشیار رہیں۔
یاد رکھیں گوگل والیٹ کا مطلب ہوگا آپ کا پورا بینک اکاونٹ، اگر یہ کسی کے ہاتھ لگ گیا تو پھر آپ کے بینک اکاونٹ سے آپ کی کل جمع پونجی کا بھی مکمل صفایا ہوسکتا ہے۔ جس طرح آپ اپنے ایزی پیسہ جاز کیش یا بینک اکاونٹ کی حفاظت کرتے ہیں ویسے ہی آپ کو اپنے گوگل والیٹ کی بھی حفاظت کرنی ہوگی۔