چانگ پینگ ژاؤ کو پاکستان میں کرپٹو کا مشیر بنا دیا گیا
پاکستان نے حال ہی میں ایک بڑا قدم اٹھاتے ہوئے Binance جو کہ کریپٹو کرنسی کی سب سے بڑی ایکسچینج ہے کے بانی چانگ پینگ ژاؤ کو پاکستان کریپٹو کونسل (PCC) کا اسٹریٹجک مشیر مقرر کیا ہے۔ یہ فیصلہ ملک میں ڈیجیٹل فنانس اور بلاک چین ٹیکنالوجی کو فروغ دینے کی طرف ایک اہم پیش رفت ہے۔ PCC کا قیام گزشتہ مہینے عمل میں لایا گیا تھا، جس کا مقصد کریپٹو کرنسیوں اور بلاک چین کو پاکستان کے مالیاتی نظام میں شامل کرنا ہے۔
 |
| Photo credit: MOF |
PCC کیا ہے اور اس کے مقاصد کیا ہیں؟
PCC کا بنیادی ہدف پاکستان میں کریپٹو کرنسیوں اور بلاک چین ٹیکنالوجی کو منظم کرنا ہے۔ اس کونسل کے ذریعے حکومت جدید مالیاتی حلز کو اپنانا چاہتی ہے، خاص طور پر نوجوان آبادی کو جدید ٹیکنالوجی سے جوڑنے کے لیے۔ یاد رہے کہ پاکستان کی 60 فیصد سے زائد آبادی 30 سال سے کم عمر ہے، جو ڈیجیٹل معیشت کے لیے ایک بہترین اثاثہ ہے۔
چانگ پینگ ژاؤ کی شمولیت کیوں اہم ہے؟
چانگ پینگ ژاؤ کو کریپٹو دنیا کا ایک اہم لیڈر مانا جاتا ہے۔ انہوں نے بینانس کو دنیا کا سب سے بڑا کریپٹو ایکسچینج بنایا اور اب ان کی رہنمائی میں پاکستان کریپٹو انڈسٹری کو نئی بلندیوں تک لے جانے کی کوشش کی جا رہی ہے۔ وزیر خزانہ محمد اورنگزیب کے مطابق، "یہ پاکستان کے لیے ایک تاریخی موقع ہے۔ ہم خطے میں ویب 3 اور بلاک چین ٹیکنالوجی کا مرکز بننا چاہتے ہیں۔"
 |
| Strategic Crypto Advisor |
پاکستان کا کریپٹو وژن
حکومت کا منصوبہ ہے کہ وہ سنگاپور، دبئی اور سوئٹزرلینڈ جیسے ممالک کی طرز پر پاکستان کو بھی کریپٹو فرینڈلی ملک بنائے۔ اس سلسلے میں PCC کے CEO بلال بن ثاقب کا کہنا ہے کہ "ہم فنانس کے مستقبل کے لیے تیار ہیں، اور ژاؤ جیسے ماہر کی رہنمائی ہمارے لیے بہت فائدہ مند ثابت ہوگی۔"
آگے کیا ہوگا؟
ژاؤ کی تقرری کے بعد اب PCC ریگولیشنز، انفراسٹرکچر، اور عوامی آگاہی کے منصوبوں پر کام کرے گی۔ اگر سب کچھ منصوبے کے مطابق چلا تو پاکستان جلد ہی کریپٹو اور بلاک چین ٹیکنالوجی میں ایک اہم کھلاڑی بن سکتا ہے۔
پاکستان کی یہ کوشش ظاہر کرتی ہے کہ ملک جدید ٹیکنالوجی کو اپنانے کے لیے پرعزم ہے۔ اگر حکومت اور پرائیویٹ سیکٹر مل کر کام کریں، تو پاکستان نہ صرف کریپٹو کرنسیوں بلکہ ڈیجیٹل معیشت میں بھی ایک اہم مقام حاصل کر سکتا ہے۔